வெள்ளிக்கிழமை தொழிற்பழகுநர் சேர்க்கை முகாம்: 28 நிறுவனங்கள் உதவித்தொகையுடன் பயிற்சி

வெள்ளிக்கிழமை காலை 9 மணி முதல் மாலை 4 மணி வரை நகராட்சி சமுதாயக் கூடத்தில் தொழிற்பழகுநர் சேர்க்கை முகாம் நடைபெறுகிறது. இராசிபுரம், நாமக்கல், சேலம், திருச்செங்கோடு பகுதிகளைச் சேர்ந்த நூற்பாலைகள், வாகன உதிரிபாக உற்பத்தியாளர்கள், கோழித்தீவன ஆலைகள், போக்குவரத்துப் பணிமனைகள் உள்ளிட்ட 28 நிறுவனங்கள் நேரடியாகத் தேர்வு செய்யவுள்ளன. அனைத்துத் தொழிற்பிரிவுகளிலும் ஐடிஐ முடித்தவர்கள், டிப்ளமோ மற்றும் பட்டப்படிப்பை 2023 அல்லது அதற்குப் பிறகு முடித்தவர்கள் கலந்துகொள்ளலாம். தேர்ந்தெடுக்கப்படுவோருக்கு ஓராண்டுப் பயிற்சியுடன், கல்வித் தகுதிக்கேற்ப மாதம் ₹8,000 முதல் ₹12,500 வரை உதவித்தொகை வழங்கப்படும். பயிற்சி முடிவில் தேசிய அளவில் அங்கீகரிக்கப்பட்ட சான்றிதழ் வழங்கப்படும்; பல நிறுவனங்கள் பயிற்சிக் காலத்துக்குப் பிறகு பயிற்சியாளர்களை நிரந்தரப் பணியில் சேர்த்துக்கொள்கின்றன. சுயவிவரக் குறிப்பின் ஐந்து நகல்கள், அசல் சான்றிதழ்கள் மற்றும் நகல்கள், ஆதார் அட்டை, பாஸ்போர்ட் அளவுப் புகைப்படங்களுடன் வர வேண்டும். அனுமதி இலவசம்; முன்பதிவு தேவையில்லை.